غناوي العلم

من اقوى غناوي العلم


مجموعة من اقوى غناوي العلم
تقول العين :
العين شاكيه م العقل.... للمولى عريضه دايره
مشاكي العين قلال..... مالها فزاع غير دمعها
و تشكو العين للغير و لكن لا تجد من يصغي لها فتقول
خلاني صغا الايام..... نشاكي للي ما نشغله
خلاني غلا مرهون...... نشاكي لدانون يا علم
يقول العقل و هو يرد عالعين :
شكواك له مغير معار.... للي عليه ما جار لاحقك
شكواك وانت داك كبير.... للي سليم بوره حاسه
تقول العين للعقل :
العين حايسه عالعقل..... تبكي تقول شوره ذادني
يرد العقل :
ريتو هبال العين..... تبكي تقول هيا شورهم
و يزيد :
اللي ما بكو لبكاك..... عليهم انتي ليش باكيه
ترد العين :
يريدن زويل عزيز..... الانظار يدرفن غالباتني
اللي غلاه حاز العقل..... نبكو عليه ديما نذرفو
و يلوم العقل العين فيقول :
شاوي عليك الدمع....... و الا عزيز يا عين ناسيه
ترد العين :
العين ما حجرها عيب..... على وصول الاولاف باكيه
بكيتني و ماحاشاك..... على عزيز يا عين هانيه
العين دمعها ذرذار....... تشلا تقول ميخوذ مالها
ايسيلن بلا تغييم..... على عزيز يابال ارعدن
دموعي علي كبار.... غلا عزيز يا عين ذابلك
و تخاطب العين عزيزها فتقول :
عزاه يا عزيز العقل..... عليك وين ما رايف بكا
الطيف والمنام
لو كان يا منام الليل :::: تبقى رسيل بيني وبينهم
حلمت يا عزيز منام ::: تمنيته الليل ما كمل
إن نامت العين تجيب ::: سريب ناس موحه دارهم
راقد وجاك النوم ::::::: كذاب ما غلانا شاغلك
خيالات يأس عزيز ::::: للعين وينما نامت يجن
الخطا
خطاه مو مراد العقل :::::::::::: إلانصيب مولانا غلب
كنيب يا عزيز خطاك :::::::::: للعين من مفاتيح الفرج
خطاك يا عزيز معاى :::::: شماته إلا نا إيش دار لي
ليش يا عزيز تدير :::: الصوب وانت عابي ع الخطا
البكا
لوكان البكـــا جيــــــاب ... ره عزيز يا عيــــــن جايلك
الانضار ما عليهـــن لوم ... اقلا عزم يا بال رايفـــــــن
لوكان ما اخلق شى دمع ... بعد عزيز راكى ايش دايره
تنقيط ما ابكا مليــــــوع ... اقطع ابكاك يا عين اسكتى
حتى لو بكيت انريــــض ... انت ايش يالك مالغنـــــى
بكيت يا قديم عليــــــك ... بكيت اسنين لا يوم اولا شهر
بكيت يا عزيز عليــــــك ... رقيت عزم قسمى قيسنى
شتاوه عالجرح
ننسو كيف اللى جارحنا ....هو مشتاق وحتى نحنا
نبى رد
هايالك إيريد إيجوك .. أقطَع أبكاك ياعين طوّلوا ..
متالي وشول ولقح .. أهموم وقت مافيهن خلَج !!
هفوا العقل ناض خليع ..هَلب أغطاه جابوه م الخلاء
بنيت قصر في لامال .... اكبرالياس جاني وهدمه
والختام بفاهق فاهقى
أرضيت ما أرضيه القسم **** وأنسيتهم قديمين الغلا """