الاصحاب(بوعياد)

أصحاب غبت عنهم قلت ياك أيجوني ،،،رايفت جيت القيت مايبوني.

أصحاب ننشد عنهم ،،، وماينشدوا كيفي انظرهم كنهم .
انكان عذرهم غير الظروف لهنهم ،،،مجبور نقبله حتى وهو مشنوني.
مافي ما فتشت ماجامنهم ،،،تفتيش المذابح نا عليه نهوني.
وانكان الافعال الطيبه زكنهم ،،،مافي مانكش علي مدفوني.
انصار العدد عاماتنا ايسدنهم ،،،هم يحصدوا فلي ابها ابذروني.
من غير حسد عاطيهم الله ايغننهم ،،،مبدور من امواجعهم وجوا احرثوني.
ومامن جوابد واجده اسبقنهم ،،،قديم فيه جرت حرثنا لقيوني.
وهم في العقاب زمانهم مكنهم ،،، في نين حنضل كلني زرعوني .
وبها الشي نا مابيت شي نركنهم ،،، مديت ليمنه باليسراء لاقوني.

أصحاب غبت عنهم قلت ياك أيجوني ،،،رايفت جيت القيت مايبوني.

أصحاب غبت عنهم درتا بالعاني ،،، رايفت ماوالي امرايف جاني.
رجيتم بطوا عني ارياف لواني ،،،جيتم امرايف غير ماعرفوني .
جيتم وريت فيهم اخياء جواني،،،ويعايب علي لقصي القيت الدوني .
اتقول جايهم واحد طرف براني ،،،وين كنت وأيش انريد ما نشدوني .
دومت نبرم منقلب ميزاني ،،،قلت لهم افلان أستسهلوا انكروني.
حسيت م الزعل ضاقن علي أوطاني ،،،قبل حوتني بيدي عميت أعيوني .
وعاد نرتجف كبيت ماوضاقي ،،،أدموع كنت طامرهن ونا قزوني .
ونا دونوه القزن في ديواني ،،، من قبل بوي ايموت ويعزوني .
وبديت من جديد ابعده قزن أصلاني ،،،وكمين موجعه دسيت في مكنوني .
والنوم نعرفوه أيحوش ع الشبعاني ،،،وناأنريد نغمضهن علش أجفوني.
لافي غداء محسوبلي قناني ،،،ولاعمر في وجبة غداء أحسبوني.
ولاهلي عشوني ولاجيراني ،،،نقدر أنقول لهم كذا عشوني ..
وتراب بالته فوقهم سفاء دفاني ،،،اللي واكلين أكراي كي راعوني.
وسامحت من قلبي وصدق ايماني ،،،عطيتم سموح نظيف مو مشنوني.
ونا اليوم متريح وبيتي باني ،،، وأساع يكبرن بأذن الكريم أجروني.
العاطي بلا أمنه كريم عطاني،،،تريس يسلموا كي يكبروا يدروني.
يرعاهم الله م الوقت والمعياني ،،،ومايرافقوا عنهم أنسان فتوني .
خطرها إلا مادار في زماني ،،،وأصحاب غبت عنهم غير مافقدوني.
ولا جيتم عريان لاجيعاني ،،، ولاجيتم طالب عشاء واشوني .
ولاجيتم قاصر علي دخاني ،،،ولاعمر قلت لهم كذا كسوني .
وأنلاقي اللي بالطيبه لاقاني ،،،ونشري اللي بالطيبه يشروني.
مسقي بوي من جدي وبوي أسقاني ،،،شاربين من كأس العصر وأسقوني.
علي طبع لوحسدي ولوشراني ،،،اللي ربيوا بيها بها ربوني.
وطعام الجفاء مايطول رأس الساني ،،،ولا نزمطى في ريق لو تكروني.
ومازلت نأكل من أثمار غصاني ،،، ومازلت ماقلت لعرب غطوني.
ونصبر أنكان اغطاي ماغطاني،،،نين الشتاء يهلب الصيف حنوني .